فارس: الشهر الرابع-الخامس

فارس

الشهر الرابع-الخامس

فارس كبر وبقى عسل بيحاول يسمع ويقلد

 الأصوات

• إييييييييييه
•  وبيحاول يطلع أصوات بصوت عالي
•  وأجمل حاجة لما يحب ينام ممكن يعيط شويه وأول ما أغني " لما الشمس تروح وتيجي بدلها نجوم " بتاعة هيفاء وهبي يفضل يقلد النغمة لحد ما ينام...........بينيم نفسه بطريقته.

الحركات:

• ابتدى يكتشف ايده وساعات ادخل عليه بيكون سرحان فيهم وباصصلهم قوي
•  ابتدي يرضع في صباعه بدل ما كان بيرضع في كمه وايده
•  مرة حاول يمسك ايد بايد وبعدين جاب ايده التانيه وبقى ماسك ايدي بايديه الاتنين وعلى فمه مفيش كلام وفضل يرضع فيها.
•  بيحاول يلعب معايا ويشد نفسه عايز يقف ويطول وشي ويتبت فيه بايديه جامد ويحاول يرضع في وشي

يوسف: سنة أولي

2013-2014

يوسف حبيب قلبي في سنة أولى وطبعا مواقف العفرته لاتنتهي:

كتابة  الواجب:

بالنسبة للخط ما يتوصفش معضلة فعلا وصعب جدا يتقرى ممكن يكتب كلمتين في السطروالحروف ضخمة وكبيرة وكما علشان يخلص من الواجب بسرعة  لايهتم بالكتابة بخط منظم. والمدرسين اشتكوا من الخط وعدم النظام وكمان الكراسات غيرنظيفة. بس الترم التاني الخط اتحسن ومرة المدرسة سقفتلوا علشان يخلص بسرعة قبل زملائه، هو سريع حبيب قلبي وشاطر والله.

من مواقف يوسف الطريفة انه كان بيحب يخلص بسرعة بأي شكل فكان يدبسني أنا وبابا في مساعدته في كتابة الواجب بطريقة ذكية. مثلا لوعنده واجب درس عربي بيكون في قطعة من درس تحتها أسئلة يخلينا ننقل كله في كراسة الواجب وهو عليه يحل ، والكلام ده بيحصل في كل المواد بلا استثناء. بعغه6اغ5ففثقبأناوباباه  كنت بنبقى زهقنين ونقوله حرام عليك مش مطلوب مننا نعيد سنة أولى من أول وجديد. لكن بصراحة ده اسلوب "ضرب عصفورين بحجر" منه يخلص بسرعة ومنه بيتمرن وبيتدرب.

فارس تم أربع شهور

فاورسة تمت أربع شهور

وبيحب يلعب ويضحك ويتكلم كمان

هو فاكر نفسه كبير وبيعمل أصوات أكنه بيتكلم

وبيزعل أقوي لو سيبناه لوحده فترة كبيرة